DRI-કસ્ટમ વિભાગનું સંયુકત ઓપરેશન, ૯ કિલોથી વધુ સોનું પકડાયું

સુરત, તા.૨૦
સુરતમાં વધુ એક વખત સોનું ઝડપાયું છે. શહેરમાંથી ૯ કિલોથી વધુનું સોનું પકડાયુ છે, જેની અંદાજિત કિંમત ૭ કરોડથી વધુ હોવાનું જણાવવામાં આવી રહ્યું છે. ડીઆરઆઇ અને કસ્ટમ વિભાગના સંયુકત ઓપરેશનમાં સુરત રેલ્વે સ્ટેશન નજીકથી મોટી માત્રામાં સોનું પકડાયું છે.
હાલમાં ડીઆરઆઇ અને કસ્ટમ વિભાગે ગૌતમ નામના ઈસમની અટકાયત કરી છે અને સોનું ક્યાંથી લાવ્યા અને કોને આપવાનું હતું, તેને લઈને તપાસ શરૂ કરી છે. જણાવી દઈએ કે આ વ્યક્તિ ટ્રેન મારફતે સોનું સુરત લાવ્યો હતો અને એજન્સીઓના અધિકારીએ ઝડપી લીધો છે.
ઉલ્લેખનીય છે કે ૧૫ ઓક્ટોબરે પણ સુરતમાંથી ગોલ્ડ સ્મગલિંગમાં વોન્ટેડ પકડાયો હતો. વોન્ટેડ આરોપી ફૈઝલ મેમણ ટ્રેનમાંથી પકડાયો હતો અને આ ઈસમ પાઉડરની આડમાં સોનાની દાણચોરીમાં વોન્ટેડ હતો. આ કેસમાં મહિલા સહિત ૪ આરોપી જુલાઈ મહિનામાં પકડાયા હતા. દુબઈથી લાવવામાં આવેલું ૯૨૭ ગ્રામ સોનું પકડાયું હતું. ચારેય પાસેથી ૬૭.૮૯ લાખનું સોનું જપ્ત કરવામાં આવ્યું હતું. સોનાની અંદર કેમિકલ મિક્સ કરીને સ્પ્રે છંટકાવ કર્યો હતો અને બેગની અંદર ચિપકાવીને સોનું લાવવામાં આવ્યું હતું. જાે કે ઈમિગ્રેશન સિક્યુરિટીને પણ ચેકિંગમાં ખબર પડી ન હતી. તમને જણાવી દઈએ કે હાલમાં સોનાના ભાવમાં રેકોર્ડ બ્રેક ઉછાળો જાેવા મળી રહ્યો છે. ત્યારે હજુ પણ સોનાના ભાવમાં મોટી ઉછાળો આવવાની શક્યતાઓ વેપારીઓ વ્યક્ત કરી રહ્યા છે. હાલમાં લગભગ એક તોલા સોનાના ભાવની કિંમત રૂપિયા ૭૯,૦૦૦ને પાર છે. ત્યારે દિવાળીના પર્વમાં સોનુ -ચાંદી ખરીદવું લોકો માટે મોંઘું બન્યું છે.૩૦ સપ્ટેમ્બરે સોનાનો ભાવ ૭૭૦૦૦ને આસપાસ હતો. ત્યારે ચાંદીના ભાવે પણ સર્વોચ્ચ સપાટી વટાવી છે. એક કિલો ચાંદીનો ભાવ રૂપિયા ૯૪,૩૦૦એ પહોંચ્યો છે. ત્યારે ૨ મહિનામાં સોનાના ભાવમાં ૧૦ ટકા સુધીનો વધારો જાેવા મળ્યો છે. આંતરરાષ્ટ્રીય બજારમાં હલચલને લઈ ભાવમાં વધારો જાેવા મળી રહ્યો છે.