સુરતમાં ચકચારીત ૧૦૦ કરોડના હવાલાકાંડમાં મકબુલ ડોકટરના પુત્ર બસ્સામ સામે તપાસનો ધમધમાટ પુરજાેશમાં શરૂ કરાયો

(સિટી ટુડે) સુરત,તા.૨૭
સુરત શહેરના ભાગતળાવ સીંધીવાડ ખાતે ૧૦૦ કરોડથી વધુના આંતરરાષ્ટ્રીય કૌભાંડમાં એસઓજી દ્વારા મકબુલ ડોકટર સહિતના કેટલાક આરોપીઓને ધરદબોચી લેવાયો હતો. તપાસ દરમિયાન વધુ આરોપીઓની પણ ધરપકડ કરવામાં આવી હતી. એસઓજીની રેડ દરમિયાન છટકી ગયેલા બસ્સામ ડોકટર દુબઇ ભાગી ગયો હોવાનું જાણવા મળી રહ્યું છે. પોલીસ દ્વારા બસ્સામ તથા અમદાવાદના મહેશ દેસાઇ સામે પણ લુકઆઉટ સક્ર્યુલર જારી કરવામાં આવ્યો છે.
મળતી માહિતી મુજબ, બસ્સામને દુબઇથી ભારત લાવવા પણ તજવીજ હાથ ધરાઇ રહી હોવાનું જાણવા મળ્યું છે. હાલ બસ્સામ દુબઇમાં કોની છત્રોછાયામાં છે અને બસ્સામને દુબઇ ભગાડવામાં કોણ-કોણ મદદગાર બન્યા છે તે પણ તપાસનો વિષય બન્યો છે. જાેકે આ કેસમાં જે રીતે પોલીસ દ્વારા ઉંડાણ પુર્વક તપાસ કરવામાં આવી રહી છે તે જાેતા લાગી રહ્યું છે કે, આવાનારા દિવસોમાં બસ્સામ સાથે સંકળાયેલા અન્ય કેટલાક લોકો પણ પોલીસ પાંજરે પુરાય તેવા સ્પષ્ટ સંકેત મળી રહ્યા છે.
હવે જાેવાનું એ છે કે, સુરત થી ધોરાજી તથા ધોરાજી થી દુબઇ અને દુબઇ થી સુરત હવે ફરી દુબઇ ભાગેલા કેટલાક બની બેઠેલા હર્ષદ મહેતાઓ પાંજરે પુરાશે તે આવનારા સમયમાં સ્પષ્ટ થશે.