વર્લ્ડ મેમન ઓર્ગેનાઇજેશન તથા ખિદમતે ખલ્ક ચેરીટેબલ ટ્રસ્ટ દ્વારા બ્લડ બેંક ડોનેશનનું આયોજન કરવામાં આવ્યું

(સિટી ટુડે) સુરત,તા.૧૪
સુરત મોરબી ટંકારા મેમન જમાત તથા ખિદમતે ખલ્ડ ચેરીટેબલ ટ્રસ્ટ દ્વારા આજરોજ મોરબી ટંકારા મેમન હોલ ખાતે બ્લડ ડોનેશન કેમ્પનું આયોજન કરવામાં આવ્યું હતું. જેમાં અન્ય સંસ્થાઓ તથા સામાજીક આગેવાનોના સહયોગથી આ બ્લડ ડોનેશન કેમ્પમાં મોટી સંખ્યામાં લોકોએ બ્લડ ડોનેશન કરી માનવતા મહેકાવી હતી. સુરત મોરબી ટંકારા મેમન જમાતના પ્રમુખ ફારૂક ચાંદીવાલાએ જણાવ્યું હતું કે, મોરબી ટંકારા મેમન યુથ તથા તમામ મોરબી ટંકારાની કમીટીઓ અને તમામ લોકોના સાથ સહકારના કારણે આ બ્લડ ડોનેશન કેમ્પને ઐતિહાસીક સફળતા મળી છે. લગભગ ૧૧૦૦ જેટલા રજીસ્ટ્રેશન થયા બાદ ૯૦૦ જેટલા યુનીટો એકત્રીત કરવામાં આવ્યા હતા. મોરબી ટંકારા મેમન જમાતના પ્રમુખ દ્વારા સહયોગ કરનાર તમામ સંસ્થાઓ, કમીટીના સભ્યો અને તમામ વડીલોનો આભાર માની સુરત શહેરમાં પડતી બ્લડની અછત દૂર કરવાના પ્રયોગને વધુમાં વધુ કરવામાં આવે તેવી શુભેચ્છાઓ પણ આપી હતી.