સિટી ટુડે :04
નો મેપીંગ અને લોજીકલ ડિસ્ક્રીપન્સીના દસ્તાવેજ ૧૦ મી ફેબ્રુઆરી સુધી સ્વીકારો :ગ્યાસુદ્દીન શેખ ભૂતપૂર્વ ધારાસભ્ય,ઈમરાન ખેડાવાલા ધારાસભ્ય,
એસ.આઈ.આર. પ્રક્રિયા હેઠળ બી.એલ.ઓ. એ ઘરે ઘરે જઈ સંપૂર્ણ ચકાસણી હાથ ધરી હતી. મતદારોના રહેઠાણ અને જીવનના પુરાવા એકઠા કરવામાં આવેલા તેમજ મતદારનો ફોટો ચૂંટણી પંચની વેબસાઈટ પર અપલોડ કરવામાં આવેલ ત્યાર બાદ જ મતદારનું નામ ડ્રાફટ મતદાર યાદીમાં પ્રકાશિત કરવામાં આવ્યું છે આમ, ડ્રાફટ મતદાર યાદીમાં નામ હોવા છતાં ચૂંટણી પંચે બી.એલ.ઓ. દ્વારા ગુજરાતના ૭૦ લાખથી વધુ મતદારોને પુનઃ નોટિસ મોકલેલ છે.
નો મેપીંગ અને લોજીકલ ડિસ્ક્રીપન્સી હેઠળ ડ્રાફટ મતદાર યાદીમાં સમાવિષ્ટ મતદારોને ચૂંટણી પંચે બી.એલ.ઓ. દ્વારા નવી નોટિસ જારી કરી પુનઃ તમામ પુરાવાઓ આપવા માટે જણાવવામાં આવ્યું છે.
એસ.આઈ.આર. પ્રક્રિયા હેઠળ બી.એલ.ઓ. દ્વારા માંગવામાં આવતા અત્યંત મુશ્કેલ પુરાવાઓની ઉપલબ્ધતાના અભાવના કારણે ગરીબ અને અભણ મતદારો પુનઃ પુરાવાઓ આપવા માટે અસમથતા દાખવી રહ્યા છે.
બી.એલ.ઓ. દ્વારા સંપૂર્ણ ચકાસણી અને ફોટોગ્રાફ લીધા બાદ ડ્રાફટ મતદાર યાદીમાં સમાવેશ થયેલા લોકોને મેપીંગ અને લોજીકલ ડિસ્ક્રીપન્સીના કારણે ગરીબ અને મધ્યમ વર્ગના મતદારો ચૂંટણી કમિશન દ્વારા માંગવામાં આવેલ પૂરતા પુરાવા ના હોવાના કારણે ખૂબ જ યાતના અને પરેશાની નો સામનો કરી રહ્યા છે. તેવા સમયે ચૂંટણી કમિશને ત્વરિત નિર્ણય લઈ ડ્રાફટ યાદીમાં સમાવિષ્ટ મતદારો પાસે હયાત જે કંઈ યોગ્ય પ્રમાણિત પુરાવાને લક્ષ્યમાં લઈ તેની ચકાસણીના આધારે તેમનું નામ અંતિમ મતદાર યાદીમાં સામેલ કરવાથી મતદારોના સંવૈધાનિક અધિકાર દ્વારા લોકતાંત્રિક પ્રક્રિયામાં સહભાગી થવાનો અધિકાર સુરક્ષિત રહેશે.