સિટી ટુડે:01
ભુજ ધોબી ઘાટ મધ્યે ભુજ અંજાર ધોબી જમાત યુવા સર્કલ વિદ્યાર્થી સન્માન સમારોહ પ્રસંગનું સફળતાપૂર્વક આયોજન
૩૧-૫-૨૦૨૬, રવિવારના રોજ ભુજ ધોબી ઘાટ મધ્યે ભુજ અંજાર ધોબી જમાત યુવા સર્કલ વિદ્યાર્થી સન્માન સમારોહ પ્રસંગનું સફળતાપૂર્વક આયોજન કરવામાં આવ્યું હતું. વિદ્યાર્થીઓને મોટીવેટ કરવા બદલ ભુજ અને અંજારના યુવાનોને ખૂબ ખૂબ અભિનંદન તેમજ સમારોહમાં જે યુવાનોએ મહેનત કરી પોતાનો કીમતી સમય આપી કાર્યક્રમને સફળ બનાવ્યું તે બદલ ધોબી જમાતે આભાર વ્યક્ત કર્યો.
ગુજરાત મુસ્લિમ ધોબી સમાજના પ્રમુખશ્રી સરફરાજ કાલુભાઈ શેખે વધુમાં જણાવ્યુ હતું કે વિવિધ ક્ષેત્રે ઉત્તીર્ણ થનાર વિદ્યાર્થીઓને પણ મેડલ, સર્ટીફીકેટ, ગીફટ આપી તેમનું પ્રોત્સાહન સાથે સન્માન કરવામાં આવ્યું હતું. સમાજની આવનારી પેઢી માટે સામાજિક, શૈક્ષણિક, આર્થિક અને વ્યવસાયિક રીતે સક્ષમ પ્લેટફોર્મ પુરું પાડવા ઉપર ભાર મૂકવામાં આવ્યો હતો. સમાજના વિદ્યાર્થીઓને સ્કૂલ, કોલેજના એડમીશનથી લઈ તેમના ઉજજવળ ભવિષ્ય – કેરીયર માટે યોગ્ય માર્ગદર્શન પુરું પાડવા વિશે ચર્ચા વિચારણા કરવામાં આવેલ.
ઉપરોકત કાર્યક્રમમાં ભુજ ધોબી સમાજના પ્રમુખ ઓસમાણ રમજુભાઈ ધોબી અને અંજાર ધોબી સમાજના પ્રમુખ કાદરઅલી મહંમદભાઈ પરમારે હાજર રહી વિદ્યાર્થીઓનો જુસ્સો વધાર્યો તે બદલ તેમનો ખુબ ખુબ આભાર.
ભવિષ્યમાં પણ આવા પ્રોગ્રામોથી આપણે ધોબી સમાજના વિદ્યાર્થીઓને પ્રોત્સાહિત કરતા રહીશું તેવો સંકલ્પ વ્યક્ત કરવામાં આવ્યો.
સરફરાજ કાલુભાઈ શેખ
પ્રમુખશ્રી – ગુજરાત મુસ્લિમ ધોબી સમાજ