ખંડણી, સાયબર બદનામી તથા સંગઠિત ગુનાની તપાસમાં સંડોવાયેલા આરોપીઓની તાત્કાલિક ધરપકડ, ડિજિટલ પુરાવા સુરક્ષિત કરવા તથા તપાસ ઉચ્ચ એજન્સીને સોંપવા બાબત.
સિટી ટુડે:16
ગત તા. 21/03/2026 ના રોજ મેં ગાંધીધામ ‘એ’ ડિવિઝન પોલીસ સ્ટેશન ખાતે અરજી આપી હતી. જેમાં એક પત્રકાર સહિત કેટલાક વ્યક્તિઓએ મને બદનામ કરવાના ઈરાદાથી ખોટા અને ભ્રામક વીડિયો બનાવી સોશિયલ મીડિયા પર પ્રસારિત કર્યા, મારી પ્રતિષ્ઠાને નુકસાન પહોંચાડયું તથા ખંડણીની માંગણી કરી હોવાની ગંભીર ફરિયાદ નોંધાવી હતી. જાપાન પલવાર તથા ખંડણીની આંગણી
ઉક્ત અરજીના આધારે તા. 08/04/2026 ના રોજ ગાંધીધામ ‘એ’ ડિવિઝન પોલીસ સ્ટેશનમાં ગુનો નોંધવામાં આવ્યો હતો, જેમાં પોલીસે બે આરોપીઓની ધરપકડ કરી છે. તપાસ દરમિયાન કુલ 14 આરોપીઓના નામ બહાર આવ્યા હતા તથા ત્યારબાદ વધુ 4 વ્યક્તિઓની સંડોવણી પણ તપાસમાં સામે આવી છે.
કેટલાક આરોપીઓએ ગુજરાત હાઈકોર્ટમાં આગોતરા જામીન માટે અરજી કરી હતી. હાઈકોર્ટ દ્વારા પોલીસ તપાસમાં સંપૂર્ણ સહકાર આપવા સૂચના આપવામાં આવી છે તથા પોલીસને કાયદા મુજબ જરૂર જણાય તો યોગ્ય કાર્યવાહી કરીને આરોપીઓની ધરપકડ કરવાની છૂટ આપવામાં આવી છે. અન્ય કેટલાક આરોપીઓને વચગાળાના જામીન આપવામાં આવ્યા છે. તેમ છતાં, બાકીના આરોપીઓ ખુલ્લેઆમ ફરી રહ્યા છે અને તેમની ધરપકડ હજુ સુધી કરવામાં આવી નથી. વ્ય
આ સમગ્ર ગુનામાં ડિજિટલ તથા સોશિયલ મીડિયાનો વ્યાપક ઉપયોગ કરવામાં આવ્યો હોવાથી તમામ આરોપીઓના મોબાઇલ ફોન, લેપટોપ તથા અન્ય ડિજિટલ ઉપકરણો તાત્કાલિક જપ્ત કરી ફોરેન્સિક સાયન્સ લેબોરેટરી (FSL) ખાતે તપાસ માટે મોકલવા અત્યંત જરૂરી છે. જો આરોપીઓની સમયસર ધરપકડ નહીં થાય તો તેઓ મોબાઇલમાંથી મહત્વના ડિજિટલ પુરાવા ડિલીટ કરી શકે, ઉપકરણો બદલી શકે અથવા અન્ય રીતે પુરાવા નષ્ટ કરી શકે છે, જેના કારણે તપાસને ગંભીર અસર પહોંચી શકે છે અને ન્યાયની પ્રક્રિયા અવરોધિત થઈ શકે છે.
વધુમાં, તપાસમાં સંડોવાયેલા કેટલાક આરોપીઓ સામે ભૂતકાળમાં છેતરપિંડી, મારામારી, ડીઝલ ચોરી, નકલી ઈ.ડી. અધિકારી બની ગુનાહિત પ્રવૃત્તિઓ ચલાવવા સહિતના ગુનાઓ નોંધાયેલા હોવાનું જાણવા મળે છે. આવા આરોપીઓ માથાભારે અને પ્રભાવશાળી સ્વભાવ ધરાવતા હોવાથી તેઓ સાક્ષીઓને પ્રભાવિત કરવા અથવા પુરાવા સાથે ચેડાં કરવાની શક્યતા નકારી શકાય તેમ નથી.
આથી આપશ્રીને નમ્ર વિનંતી છે કે—
1. તમામ સંડોવાયેલા આરોપીઓની તાત્કાલિક ધરપકડ કરવા જરૂરી સૂચનાઓ આપવામાં આવે.
2. આગોતરા જામીન અથવા વચગાળાના જામીન મેળવનાર આરોપીઓના કાયદેસર રિમાન્ડ મેળવી તેમની સઘન પૂછપરછ કરવામાં આવે.
3. તમામ આરોપીઓના મોબાઇલ તથા અન્ય ડિજિટલ ઉપકરણો જપ્ત કરી FSLમાં મોકલી ડિજિટલ પુરાવા સુરક્ષિત કરવામાં આવે.
4. તપાસની નિષ્પક્ષતા અને ઝડપ જળવાઈ રહે તે માટે સમગ્ર તપાસ અન્ય સક્ષમ અધિકારી અથવા એલ.સી.બી. (LCB) જેવી વિશેષ તપાસ એજન્સીને સોંપવામાં આવે.
5. મને તથા મારા પરિવારને સંભવિત જાનમાલના જોખમને ધ્યાનમાં રાખી જરૂરી પોલીસ સુરક્ષા પૂરી પાડવામાં આવે.
6. જામીન પર મુક્ત થયેલા આરોપીઓ દ્વારા જો જામીનની કોઈપણ શરતોનો ભંગ કરવામાં આવ્યો હોય તો તેમના જામીન રદ કરાવવા કાયદેસરની કાર્યવાહી હાથ ધરવામાં આવે.
ન્યાયના હિતમાં તથા કાયદો અને વ્યવસ્થાની જાળવણી માટે ઉપરોક્ત રજૂઆત પર તાત્કાલિક અને યોગ્ય કાર્યવાહી કરવામાં આવે તેવી આપશ્રી સમક્ષ નમ્ર વિનંતી છે.
(હાજી જુમા રાયમા)
સેક્રેટરી ગુજરાત પ્રદેશ કોંગ્રેસ કમિટી