વકફ કાયદો : કેન્દ્ર સરકારનું નવા નિયમોનું નોટિફિકેશન જાહેર, બધી વકફ મિલકતોનું ઓનલાઈન રજીસ્ટ્રેશન થશે, ૯૦ દિવસનો સમય આપવામાં આવશે, હવે કબજાે કરવો થશે મુશ્કેલ, ‘પાઈ-પાઈ‘નો હિસાબ મળશે

નવી દિલ્હી,તા.૦૫
કેન્દ્ર સરકારે વક્ફ કાયદા હેઠળ એક નવો નિયમ જાહેર કર્યો છે. આ નવો નિયમ વક્ફ પોર્ટલ અને વક્ફ સંપત્તિના ડેટાબેઝ, વક્ફ મિલકતોની નોંધણીની પદ્ધતિ અને તેના ઓડિટ સાથે સંબંધિત છે. નવા કાયદા હેઠળ, દરેક વક્ફ મિલકતની નોંધણી ફરજિયાત બનાવવામાં આવી છે, જેની માહિતી પોર્ટલ પર આપવાની રહેશે.
નવા નિયમો હેઠળ એક કેન્દ્રીયકૃત પોર્ટલ અને ડેટાબેઝ બનાવવામાં આવ્યું છે, જે દેશભરના વક્ફના સંપૂર્ણ રેકોર્ડ નોંધવામાં આવશે.આમાં વકફ મિલકતોની યાદી અપલોડ કરવી, નવી નોંધણી, વક્ફ રજિસ્ટરની જાળવણી, ખાતાઓ વિશે માહિતી પૂરી પાડવી, ઓડિટ રિપોર્ટ પ્રકાશિત કરવા અને બોર્ડના આદેશોની નોંધણીનો સમાવેશ થાય છે.
વક્ફ સંપત્તિના મેનેજર (મુતવલ્લી) પોતાના મોબાઇલ નંબર અને ઈમેઇલ દ્વારા ર્ં્ઁ દ્વારા લોગ ઇન કરીને પોર્ટલ પર નોંધણી કરાવશે.
ત્યારબાદ વક્ફ અને તેની સંપત્તિની વિગતો અપલોડ કરી શકશે. વક્ફ સંપત્તિની રચનાના ત્રણ મહિનાની અંદર પોર્ટલ પર ફોર્મ ૪માં નોંધણી કરાવવી પડશે. વક્ફ બોર્ડ પોર્ટલ પર ફોર્મ ૫માં વક્ફનું રજિસ્ટર જાળવશે. નવા નિયમો વક્ફ (સુધારા) અધિનિયમ ૨૦૨૫ હેઠળ બનાવવામાં આવ્યા છે, જે આઠમી એપ્રિલ ૨૦૨૫થી અમલમાં આવ્યો છે. રાષ્ટ્રપતિ દ્રૌપદી મૂર્મુની સંમતિ મળ્યા બાદ કેન્દ્ર સરકારે ગયા મહિને વક્ફ (સુધારા) અધિનિયમ ૨૦૨૫ને સૂચિત કર્યું હતું. વકફ (સુધારા) બિલ લોકસભામાં ૨૮૮ સભ્યોના સમર્થનથી પસાર થયું હતું, જ્યારે ૨૩૨ સાંસદો તેની વિરુદ્ધમાં હતા. રાજ્યસભામાં, ૧૨૮ સભ્યોએ તેના પક્ષમાં અને ૯૫ સભ્યોએ તેની વિરુદ્ધ મતદાન કર્યું હતું.
કેન્દ્ર સરકારે યુનિફાઇડ વકફ મેનેજમેન્ટ, એમ્પાવરમેન્ટ, એફિશિયન્સી અને ડેવલપમેન્ટ રૂલ્સ ૨૦૨૫નું નોટિફિકેશન બહાર પાડ્યું છે. આ નિયમો વકફ પ્રોપર્ટીના પોર્ટલ અને ડેટાબેઝ, તેમની નોંધણી, ઓડિટ અને એકાઉન્ટ્સના જાળવણી સાથે સંબંધિત છે. નવા નિયમો હેઠળ એક કેન્દ્રીયકૃત પોર્ટલ અને ડેટાબેઝ બનાવવામાં આવ્યું છે, જે દેશભરના વકફના સંપૂર્ણ રેકોર્ડ નોંધશે. આમાં વકફ મિલકતોની યાદી અપલોડ કરવી, નવી નોંધણી, વકફ રજિસ્ટરની જાળવણી, ખાતાઓ વિશે માહિતી પૂરી પાડવી, ઓડિટ રિપોર્ટ પ્રકાશિત કરવા અને બોર્ડના આદેશોની નોંધણીનો સમાવેશ થાય છે.
નવા નિયમોમાં સરકારોની જવાબદારી નક્કી કરવામાં આવી છે કેન્દ્રીય લઘુમતી બાબતોના મંત્રાલયમાં વક્ફ વિભાગના પ્રભારી સંયુક્ત સચિવ આ પોર્ટલ અને ડેટાબેઝનું નિરીક્ષણ અને નિયંત્રણ કરશે. રાજ્યએ સંયુક્ત સચિવ સ્તરના નોડલ અધિકારીની નિમણૂક કરવી પડશે. કેન્દ્ર સાથે પરામર્શ કરીને એક કેન્દ્રિય સહાયક એકમની રચના કરવામાં આવશે. આ પોર્ટલમાં રીઅલ-ટાઇમ મોનિટરિંગની સુવિધા હશે. આનાથી નોંધણી, મિલકતની માહિતી, શાસન, કોર્ટ કેસ, વિવાદ નિરાકરણ, નાણાકીય દેખરેખ અને સંસાધન વ્યવસ્થાપન જેવા કાર્યો શક્ય બનશે. આ સાથે, સર્વેક્ષણ અને વિકાસ સંબંધિત માહિતી પણ તેમાં શામેલ કરવામાં આવશે. રાજ્ય સરકાર ૯૦ દિવસની અંદર પોર્ટલ પર વકફની યાદી અને વિગતો અપલોડ કરશે. વિલંબના કિસ્સામાં, વધારાના ૯૦ દિવસનો સમય આપવામાં આવશે, પરંતુ વિલંબનું કારણ જણાવવું પડશે.