દિલ્હી જ નહીં, દેશના પાંચ રાજ્યમાં કોંગ્રેસનો એકપણ ધારાસભ્ય નથી

નવી દિલ્હી, તા.૯
દિલ્હીની જનતાએ આમ આદમી પાર્ટી અને ભાજપની બેઠકોમાં ઉલટફેર કર્યો, પરંતુ સતત ત્રીજી વખત કોંગ્રેસની બેઠકોમાં કોઈ પરિવર્તન નથી થયું. ૭૦ વિધાનસભા બેઠકો વાળી કોંગ્રેસને શૂન્ય બેઠકો મળી છે. જાે કે, દિલ્હી એક માત્ર એવું રાજ્ય નથી કે જ્યાં કોંગ્રેસના ધારાસભ્યોની સંખ્યા શૂન્ય હોય. દેશમાં ઓછામાં ઓછા ૪ રાજ્યોમાં કોંગ્રેસની પાસે એક પણ ધારાસભ્ય નથી. જેમાં આંધ્રપ્રદેશ અને પશ્ચિમ બંગાળ જેવા મોટા રાજ્ય પણ સામેલ છે. આ સિવાય સિક્કિમ, નાગાલેન્ડમાં પણ કોંગ્રેસને શૂન્ય બેઠક છે. જ્યારે પૂર્વોત્તરના ત્રણ રાજ્યોમાં એક-એક બેઠક કોંગ્રેસ પાસે છે.
આંધ્રપ્રદેશમાં ૨૦૨૪માં મે મહિનામાં વિધાનસભા ચૂંટણી થઈ હતી. આ ચૂંટણીમાં કોંગ્રેસ પૂરી તાકાતથી મેદાનમાં ઉતરી હતી, પરંતુ પાર્ટીને એક પણ બેઠક પર જીત મળી ન હતી. પાર્ટીના વધુ પડતા ઉમેદવારો ત્રીજા નંબરે અથવા તો જમાનત જપ્ત કરાવી બેઠા હતા. આંધ્રપ્રદેશમાં દ્ગડ્ઢછ ગઠબંધન પાસે ૧૬૪ ધારાસભ્ય છે. જ્યારે વિપક્ષી રૂજીઇની પાસે ૧૧ ધારાસભ્ય છે. રસપ્રદ વાત એ છે કે, આંધ્રપ્રદેશમાં વર્ષ ૨૦૧૪માં કોંગ્રેસ સરકારમાં રહી છે.
પશ્ચિમ બંગાળ વિધાનસભામાં ૨૯૪ બેઠક છે. ૨૦૨૧માં મે મહિનામાં અહીં ચૂંટણી યોજવામાં આવી હતી. કોંગ્રેસ અહીં લેફ્ટ ફ્રન્ટની સાથે મેદાનમાં ઉતરી હતી, પરંતુ તેને જીત ન મળી શકી. બંગાળમાં પહેલીવાર કોંગ્રેસ શૂન્ય પર સમેટાઈ ગઈ. બંગાળમાં તૃણમૂલ કોંગ્રેસની સરકાર છે અને પાર્ટીની પાસે ૨૨૪ ધારાસભ્ય છે. ત્યારે વિપક્ષી ભાજપ પાસે અહીં ૬૬ ધારાસભ્ય છે.
૨૦૨૨માં મુર્શિદાબાદના સાગરદિધી બેઠક પર કોંગ્રેસને જીત પણ મળી, પરંતુ ધારાસભ્ય તૃણમૂલ કોંગ્રેસમાં જાેડાઈ ગયા. ત્યારબાદ અત્યાર સુધી બંગાળમાં જેટલી પણ પેટાચૂંટણી થઈ છે, તેમાં કોંગ્રેસને જીત નથી મળી શકી. સિક્કિમમાં કુલ ૩૨ વિધાનસભા બેઠકો છે. એક સમયે કોંગ્રેસ અહીં મજબૂત સત્તામાં હતી, પરંતુ હવે સિક્કિમમાં તેની પાસે એક પણ બેઠક નથી. સિક્કિમમાં પણ કોંગ્રેસ શૂન્ય પર ઉભી છે. સિક્કિમની બધી ૩૨ બેઠકો સિક્કિમ ક્રાંતિકારી મોરચાના કબજામાં છે. SKM  અહીં ભાજપ સાથે ગઠબંધનમાં છે.
નાગાલેન્ડમાં કુલ ૬૦ વિધાનસભા બેઠકો છે. અહીં ફેબ્રુઆરી ૨૦૨૩માં વિધાનસભા ચૂંટણીઓ યોજાઈ હતી. કોંગ્રેસ પાર્ટી અહીં એક પણ બેઠક જીતી શકી નથી. નાગાલેન્ડમાં, NDPP પાસે ૨૫ ધારાસભ્યો છે, BJP  પાસે ૧૨, NCP  પાસે ૭, NPP  પાસે ૫, LJP (R) પાસે ૨ અને RPI  પાસે ૨ ધારાસભ્યો છે. આ ઉપરાંત, નાગાલેન્ડમાં NPF ના ૨ અને ૫ અપક્ષ ધારાસભ્યો છે. રસપ્રદ વાત એ છે કે નાગાલેન્ડમાં બધા જ પક્ષો સરકારનો ભાગ છે. અહીં કોઈ વિરોધ નથી. અરુણાચલ વિધાનસભામાં કુલ ૬૦ બેઠકો છે. આ પૂર્વોત્તર રાજ્યમાં NDA  પાસે ૫૯ બેઠકો છે, જ્યારે કોંગ્રેસ પાસે એક ધારાસભ્ય છે. તેવી જ રીતે, મેઘાલય અને મિઝોરમમાં કોંગ્રેસના એક-એક ધારાસભ્ય છે. તેવી જ રીતે, મણિપુર અને પુડુચેરીમાં કોંગ્રેસના બે-બે ધારાસભ્યો છે. તાજેતરમાં સુધી, પુડુચેરીમાં કોંગ્રેસની સરકાર હતી. મણિપુરમાં પણ કોંગ્રેસનો દબદબો રહ્યો છે.