હજમાં બાળકોનો પ્રવેશ બંધ કરાયો, સાઉદી અરેબિયાએ હજને લઈ મોટો ર્નિણય લીધો

નવી દિલ્હી,તા.૧૧
સાઉદી અરેબિયાએ હજને લઈને મોટો ર્નિણય લીધો છે. હવે હજમાં બાળકોનો પ્રવેશ બંધ કરી દેવામાં આવ્યો છે. સાઉદી અરેબિયાના હજ અને ઉમરાહ મંત્રાલયે કહ્યું છે કે હજ દરમિયાન દર વર્ષે વધતી ભીડને કારણે આ ર્નિણય લેવામાં આવ્યો છે. ત્યારે સરકારે બાળકોની સુરક્ષા માટે આ ર્નિણય લીધો છે. સાઉદી સરકારે જણાવ્યું કે વર્ષ ૨૦૨૫માં તે લોકોને જ પ્રાથમિકતા આપવામાં આવશે જેઓ પહેલીવાર હજ કરવા આવ્યા છે. તમને જણાવી દઈએ કે હજ ૨૦૨૫ માટે રજીસ્ટ્રેશન શરૂ થઈ ગયું છે. સાઉદી નાગરિકો અને રહવાસીઓ હવે નુસુક એપ અથવા સત્તાવાર વેબસાઇટ દ્વારા ૨૦૨૫ હજ સીઝન માટે ઔપચારિક રીતે અરજી કરી શકે છે. નવા નિયમો મુજબ, અરજદારોએ તેમની વિગતોની ચકાસણી કરવી પડશે અને તેમના પ્રવાસી સાથીઓની નોંધણી કરવી પડશે. ૧ ફેબ્રુઆરી, ૨૦૨૫ થી, ભારત સહિત ૧૪ દેશોના વ્યક્તિઓ માત્ર સિંગલ-એન્ટ્રી વિઝા માટે પાત્ર બનશે. આ પગલાનો હેતુ મલ્ટિપલ-એન્ટ્રી વિઝાનો દુરુપયોગ અટકાવવાનો છે, જેનો ઉપયોગ કેટલાક યાત્રાળુઓ સત્તાવાર નોંધણી વિના હજ કરવા માટે કરે છે.