નવાદા, તા.૧૩ બિહારના નવાદામાં ૫ ડિસેમ્બરે મોબ લિંચિંગમાં ઘાયલ થયેલા યુવકનું શુક્રવારે મોડી રાત્રે સારવાર દરમિયાન મૃત્યુ થયું. મૃતકની ઓળખ નાલંદા જિલ્લાના નિવાસી મોહમ્મદ અતહર હુસૈન (૪૦) તરીકે થઈ છે. મૃત્યુ પામતા પહેલા મોહમ્મદ અતહર હુસૈને ૭ ડિસેમ્બરે કેમેરા પર પોતાનું નિવેદન નોંધાવ્યું હતું, જેમાં તેણે આખી ઘટના વિગતવાર જણાવી હતી.
મોહમ્મદ અતહર હુસૈને જણાવ્યું કે ૪-૫ લોકોએ તેને ઘેરીને મારપીટ કરી. તેમને એક રૂમમાં લઈ ગયા, પછી પેન્ટ ઉતારીને તપાસ કરી કે તે મુસ્લિમ છે કે નહીં. તે પછી ગરમ સળિયાથી માર્યો, સ્ટીલના સળિયાથી મારીને માથું ફોડી નાખ્યું. લાકડી-દંડા, ઈંટથી માર્યો. કોઈએ આંગળીઓ તોડી, તો કોઈ છાતી પર ચઢીને ગળું દબાવવા લાગ્યો. એટલું જ નહીં, પકડથી તેના કાન કાપી નાખ્યા. મારપીટ કરીને તેને અધમૂઓ કરી દીધો. આ દરમિયાન કોઈએ ડાયલ ૧૧૨ લગાડીને જાણ કરી, ત્યારે તેને હોસ્પિટલ લઈ જવામાં આવ્યો. ઘટનાના ૬ દિવસ પછી મોહમ્મદ અતહરનું મૃત્યુ થયું. મૃતકની પત્ની શબનમ પરવીને ૧૦ લોકોને નામજોગ અને ૧૫ અજાણ્યા લોકો વિરુદ્ધ કેસ કર્યો છે. પોલીસે ચાર આરોપીઓની ધરપકડ કરી છે.
૭ ડિસેમ્બરે કેમેરા પર આપેલા પોતાના નિવેદનમાં મોહમ્મદ અતહર હુસૈને જણાવ્યું હતું કે, ‘હું છેલ્લા ૨૦ વર્ષથી નવાદા વિસ્તારમાં ફેરી કરીને કપડાં વેચતો હતો. ૫ ડિસેમ્બરે પણ ફેરી કરીને ડુમરી ગામથી ઘરે પાછો ફરી રહ્યો હતો, ત્યારે રોહ પોલીસ સ્ટેશન વિસ્તારના ભટ્ઠાપર ગામથી પાછા ફરતી વખતે નશામાં ધૂત ૬-૭ યુવકોએ મને ઘેરી લીધો.‘ ‘યુવકોએ પહેલા મારું નામ પૂછ્યું, નામ સાંભળતા જ બળજબરીથી સાયકલ પરથી ઉતારીને ૮ હજાર રૂપિયા લૂંટી લીધા. ત્યારબાદ હાથ-પગ બાંધીને એક રૂમમાં બંધ કરી દીધો. પછી હુમલાખોરોએ ઈંટ-રોડથી માર માર્યો.‘ ‘ઈંટથી મારીને મારી આંગળીઓ અને હાથ તોડી નાખ્યા. એટલું જ નહીં નખ પણ ઉખાડી નાખ્યા.‘ પેન્ટ ઉતારીને તપાસ કરી, પ્રાઈવેટ પાર્ટમાં પેટ્રોલ નાખ્યું.
અતહરે આગળ જણાવ્યું કે હુમલાખોરોએ તેમના પેન્ટ ઉતારીને પ્રાઈવેટ પાર્ટ તપાસ્યા. રોડ નાખી દીધો. પછી પેટ્રોલ નાખ્યું. ત્યારબાદ ગરમ લોખંડના રોડથી શરીરના ઘણા ભાગોમાં ડામ આપ્યા. મારી ચામડી નીકળી ગઈ. હુમલાખોરોની સંખ્યા પછીથી વધીને ૧૫-૨૦ થઈ ગઈ હતી. સ્ટીલના રોડથી માથા પર માર્યો, જેનાથી માથું ફાટી ગયું. છાતી પર ચઢીને ગળું દબાવ્યું. મોઢામાંથી લોહી આવવા લાગ્યું હતું. માર મારતા પહેલા આરોપીઓએ પકડથી મારો કાન કાપી નાખ્યો. માર મારવાથી મારું આખું શરીર બળી ગયું. હાથ પણ તૂટી ગયા.
મો. અતહર મૂળ રૂપે બિહારશરીફના લહેરી પોલીસ સ્ટેશન વિસ્તારના ગગનદીવાનના રહેવાસી હતો. યુવકની નવાદા જિલ્લાના રોહ પોલીસ સ્ટેશન વિસ્તારના બરુઈ ગામમાં સાસરી છે. તે સાસરીમાં રહીને સાયકલથી કપડાં ફેરીનું કામ કરતો હતો. રોહ પોલીસ સ્ટેશનના પ્રભારી રંજન કુમારે જણાવ્યું કે આ મામલે FIR નોંધવામાં આવી છે. પોલીસે ચાર આરોપીઓની ધરપકડ કરી છે. જેમાં સોનુ કુમાર, રંજન કુમાર અને શ્રી કુમારનો સમાવેશ થાય છે. બાકીના આરોપીઓની શોધખોળ ચાલુ છે. મૃતકનું પોસ્ટમોર્ટમ મેજિસ્ટ્રેટ-ફોરેન્સિક ટીમની હાજરીમાં કરવામાં આવ્યું.
મારપીટના કેસમાં મૃતકની પત્ની શબનમ પરવીને ૧૦ લોકોને નામજોગ અને ૧૫ અજાણ્યા લોકો વિરુદ્ધ કેસ નોંધાવ્યો હતો. જેમાં સત્યનારાયણ કુમાર, મંટુ યાદવ, સોનુ કુમાર, સતીશ કુમાર, સિકંદર યાદવ, રામસ્વરૂપ યાદવ, રંજન કુમાર, વિપુલ કુમાર, સચિન કુમાર, સુગન યાદવને આરોપી બનાવવામાં આવ્યા છે.
પત્નીએ અરજીમાં જણાવ્યું છે કે ૮૦૦૦ હજાર રૂપિયા પણ કાઢી લેવામાં આવ્યા હતા. સાયકલ અને કપડાં હજુ સુધી મળ્યા નથી. મૃત્યુ પછી નોંધાયેલા કેસમાં હત્યાની કલમ લગાવવામાં આવી છે. ૫ ડિસેમ્બરના રોજ મો. અતહર સાથે મારપીટ થઈ. બીજી તરફ, ૫ ડિસેમ્બરના રોજ સિકંદર યાદવે મો. અતહર પર ચોરીનો આરોપ લગાવતા પોલીસ સ્ટેશનમાં ફરિયાદ નોંધાવી હતી. જેમાં અતહર હુસૈન પર રાત્રે ૧૦:૧૫ વાગ્યે ઘરમાં ઘૂસીને ચોરી કરવાનો આરોપ લાગ્યો હતો. ફરિયાદમાં કહેવામાં આવ્યું હતું કે અતહર હુસૈને સોનાનું કડું, મંગળસૂત્ર, ચાંદીની કંદોરો અને પિત્તળના વાસણોની ચોરી કરી છે.
આ પછી, ડાયલ ૧૧૨ અતહર હુસૈનની શોધમાં હતી. મોડી રાત્રે લગભગ ૨:૩૦ વાગ્યે રોહ પોલીસ સ્ટેશનની પોલીસ ઘટનાસ્થળે પહોંચી અને અતહરને રૂમમાંથી ઈજાગ્રસ્ત હાલતમાં શોધી કાઢ્યો. પોલીસે ઈજાગ્રસ્તને પહેલા નવાદા સદર હોસ્પિટલમાં દાખલ કર્યો. ત્યાંથી હાલત બગડતા તેને પાવાપુરી વિમ્સમાં રિફર કર્યો. પરિવારજનોના જણાવ્યા અનુસાર, પાવાપુરીથી પટના લઈ જતી વખતે રસ્તામાં તેનું મૃત્યુ થયું.
