અમેરિકામાં બોલ્યા કોંગ્રેસના દિગ્ગજ નેતા રાહુલ ગાંધી : ભારત જાેડો યાત્રાએ મને અને દેશની રાજનીતિ બદલી નાખી

વોશિંગ્ટન, તા.૯
કોંગ્રેસના દિગ્ગજ નેતા રાહુલ ગાંધી લોકસભામાં વિપક્ષના નેતા બન્યા બાદ પ્રથમ વખત અમેરિકાની મુલાકાતે છે. આ દરમિયાન તેણે અમેરિકાના ડલાસમાં યુનિવર્સિટી ઓફ ટેક્સાસમાં ઈન્ટરવ્યુ દરમિયાન ભારત જાેડો યાત્રા વિશે વાત કરી હતી. યાત્રાને લઈને રાહુલ ગાંધીએ કહ્યું કે, ભારત જાેડો યાત્રાએ મને અને દેશની રાજનીતિ બદલી નાખી.રાહુલ ગાંધી ૮ સપ્ટેમ્બરે અમેરિકા પહોંચ્યા હતા, જ્યાં તેઓ ૧૦ સપ્ટેમ્બર સુધી પ્રવાસ પર રહેશે. આ દરમિયાન કોંગ્રેસના નેતાઓ વિદ્યાર્થીઓ, પત્રકારો, ઉદ્યોગપતિઓ સહિત અનેક લોકો સાથે વાત કરશે. રાહુલ ગાંધી સાથેની મુલાકાત દરમિયાન ભારત જાેડો યાત્રાને લઈને સવાલ પૂછવામાં આવ્યો હતો કે, તમે ૪ હજાર કિલોમીટરની યાત્રા કેવી રીતે કરી? જેના પર તેણે કહ્યું, પહેલા એ જાણવું જરૂરી છે કે મેં આ યાત્રા શા માટે શરૂ કરી? રાહુલ ગાંધીએ જવાબમાં કહ્યું, મેં ભારત જાેડો યાત્રા શરૂ કરી કારણ કે સંદેશાવ્યવહારના દરેક માધ્યમો બંધ હતા, સંસદ, મીડિયા, અમે કાયદાકીય વ્યવસ્થામાં દસ્તાવેજાે લઈ જતા હતા, કંઈ થયું નથી. રાહુલ ગાંધીએ કહ્યું, ઘણા સમયથી અમને સમજાતું નહોતું કે કેવી રીતે વાત કરવી. પછી અમે વિચાર્યું કે જાે મીડિયા તમને લોકો સુધી લઈ જતું નથી, જાે સંસ્થાકીય સિસ્ટમ તમને લોકો સુધી લઈ જતી નથી, તો અમે સીધા જ જવાનું નક્કી કર્યું.
રાહુલ ગાંધીએ કહ્યું, જ્યારે અમે ભારત જાેડો યાત્રા શરૂ કરી ત્યારે મને ઘૂંટણમાં દુખાવો થતો હતો અને ૩-૪ દિવસમાં મને લાગ્યું કે મેં શું કર્યું છે. તેણે કહ્યું, તમે સવારે ઉઠો છો અને વિચારો છો કે આજે તમારે ૧૦ કિલોમીટર ચાલવાનું છે, પરંતુ તમને લાગે છે કે તમારે ૪ હજાર કિલોમીટર ચાલવું પડશે. બંને બાબતોમાં ઘણો તફાવત છે. તેણે કહ્યું, પરંતુ આ પ્રવાસ મારા માટે મુશ્કેલ નહોતો.
રાહુલ ગાંધીએ કહ્યું કે, ભારત જાેડો યાત્રાએ મારા કામ વિશે વિચારવાની રીત બદલી નાખી છે. તેમણે એમ પણ કહ્યું કે, આ પ્રવાસે રાજકારણ પ્રત્યે મારો દ્રષ્ટિકોણ બદલી નાખ્યો છે. તેણે મારા દેશવાસીઓને જાેવાની રીત બદલી નાખી છે, મારી તેમની સાથે વાતચીત કરવાની રીત બદલી છે, લોકોને સાંભળવાની રીત પણ બદલાઈ છે. રાહુલ ગાંધીએ કહ્યું, આ બધા બદલાવ માત્ર મારામાં જ નહીં, પરંતુ યાત્રામાં ભાગ લેનારા તમામ લોકોમાં પણ આવ્યા છે.
રાહુલ ગાંધીએ પોતાની મુલાકાત દરમિયાન જ “મોહબ્બત કી દુકાન” નો ઉલ્લેખ કર્યો હતો, તેમણે કહ્યું હતું કે, એક વસ્તુ જે અમે પ્લાન કરી ન હતી, આ મુલાકાતમાં સૌથી શક્તિશાળી વસ્તુ પ્રેમનો વિચાર હતો. તેમણે કહ્યું કે, માત્ર ભારતમાં જ નહીં વિદેશમાં પણ પ્રેમ શબ્દનો ઉપયોગ આજ સુધી રાજકારણમાં ક્યારેય થયો નથી. રાજકારણમાં તમને ધિક્કાર, નફરત, ગુસ્સો, અન્યાય, ભ્રષ્ટાચાર જેવા શબ્દો જ જાેવા મળશે, પણ પ્રેમ શબ્દનો ઉપયોગ ભાગ્યે જ થતો હતો. રાહુલ ગાંધીએ વધુમાં કહ્યું કે, ભારત જાેડો યાત્રાએ ભારતીય રાજકારણને બદલી નાખ્યું અને રાજકારણમાં પ્રેમનો સમાવેશ કર્યો, અને હું આશ્ચર્યચકિત છું કે આ વિચાર કેટલું સારું કામ કર્યું.