નકલી ચલણી નોટો છાપતા મદ્રેસા પર ચાલશે બુલડોઝર

પ્રયાગરાજ,તા.૬
ઉત્તર પ્રદેશના પ્રયાગરાજમાં ચલણી નોટો છાપતી મદરેસા પર હવે કડક કાર્યવાહી કરવામાં આવી રહી છે. આ મામલામાં બુલડોઝર કાર્યવાહીની તૈયારી કરવામાં આવી રહી છે. પીડીએ એ મદરેસાની બહાર નોટિસ ચોંટાડીને મદરેસાના બાંધકામ સાથે જાેડાયેલી માહિતી માંગી છે. સંતોષકારક જવાબ નહીં મળે તો બુલડોઝરની કાર્યવાહી પણ થઈ શકે છે. મદરેસાને સીલ કર્યા બાદ મદરેસામાં કરવામાં આવતા ફંડની તપાસ પણ શરૂ કરવામાં આવી છે. પોલીસે મદરેસાના ત્રણ બેંક ખાતા સીઝ કર્યા છે. પોલીસે સ્ટેટ બેંક ઓફ ઈન્ડિયા, બેંક ઓફ બરોડા અને ઈન્ડિયન બેંકમાં મદરેસાના ખાતાને સંપૂર્ણપણે સીઝ કરી દેવામાં આવ્યા છે. હવે મદરેસા મેનેજમેન્ટ આ ખાતાઓમાં જમા થયેલા પૈસાનો ઉપયોગ કરી શકશે નહીં. પોલીસે બેંક પાસેથી બેંક એકાઉન્ટ ખોલાવ્યા ત્યારથી અત્યાર સુધીમાં કેટલી રકમ અને ક્યાંથી મોકલી છે તેની વિગતો પણ માંગી છે. પ્રારંભિક તપાસમાં જ બહાર આવ્યું છે કે, વિદેશથી બેંકમાં ઘણા પૈસા મોકલવામાં આવી રહ્યા છે અને હાલમાં મદરેસાના બેંક ખાતામાં ૪૦ લાખ રૂપિયા પણ જમા છે.
આ સાથે જ પ્રયાગરાજ ડેવલપમેન્ટ ઓથોરિટીએ પણ મદરેસા પર સકંજાે કસ્યો છે અને પહેલા તેને ગેરકાયદે બાંધકામ માટે સીલ કરી દીધી, ત્યારબાદ આજે શુક્રવારે મદરેસાના ગેટ પર ઓથોરિટી દ્વારા નોટિસ પણ ચોંટાડવામાં આવી. આ નોટિસમાં સ્પષ્ટ લખવામાં આવ્યું છે કે, મદરેસામાં જે પણ બાંધકામ થયું છે તેનો નકશો અને તેના વિશે વિગતવાર જવાબ ૧૮મી સુધીમાં આપવાનો રહેશે. જાે પીડીએ ને મદરેસાના ગેરકાયદે બાંધકામ અંગે સંતોષકારક જવાબ નહીં મળે તો પીડીએ બુલડોઝર વડે મદરેસાના તમામ બાંધકામોને તોડી પાડશે. જાે કે, મદરેસા પર બુલડોઝર કાર્યવાહીની વધુ આશા છે, કારણ કે મદરેસાના બાંધકામ માટે કોઈ નકશો ઉપલબ્ધ નથી. મદરેસા ચલાવતી સોસાયટી દ્વારા પીડીએ માંથી લે-આઉટ પાસ કરાવ્યા વિના તમામ નવા અને જૂના બાંધકામો કરવામાં આવ્યા હતા.
હકીકતમાં, પ્રયાગરાજના પોશ વિસ્તારમાં દોઢ વીઘા જમીન પર આખી મદરેસા બનાવવામાં આવી છે. તેની અંદર એક મોટી મસ્જિદ છે, તેની બાજુમાં એક મકબરો છે અને મકબરાની બાજુમાં જ જામિયા હબીબિયા મદરેસા ચાલતી હતી. મદરેસામાં ૬૦ થી વધુ રૂમની હોસ્ટેલ પણ છે, જેમાં બહારથી આવતા વિદ્યાર્થીઓ ઇસ્લામિક શિક્ષણ લેતા હતા. હાલમાં, મદરેસામાં ૧૩૦ વિદ્યાર્થીઓ નોંધાયેલા છે, જેઓ ઓરિસ્સા, બિહાર અને ઝારખંડ સહિત અન્ય રાજ્યોમાંથી આવે છે. મદરેસા પરિસરને સીલ કરવાને કારણે આજે શુક્રવારની નમાજ થઈ શકી ન હતી. ઘણા નમાઝીઓ તાળું જાેઈને પાછા ફર્યા. મદરેસાની સામે રહેતા લોકોનું કહેવું છે કે, લોકો મદરેસાની અંદર ભણતા હતા, તેઓ બહારના વાતાવરણથી ચિંતિત નહોતા અને કોઈને મળતા પણ નહોતા, તેથી અંદર શું થાય છે તેની તેમને જાણ નહોતી.
ઉલ્લેખનીય છે કે, નકલી ચલણી નોટો છાપવાના મામલામાં પોલીસે મદરેસાના પ્રિન્સિપાલ તફસીરુલ અરીફીન અને મદરેસા મૌલાના ઝહીર ખાન તેમજ અન્ય બે છોકરાઓની ધરપકડ કરી હતી અને તમામને જેલમાં મોકલી દીધા હતા.
હવે પોલીસ મદરેસાના વિદેશી ફંડ અને આ લોકોના કોઈ કટ્ટરવાદી સંગઠન સાથેના સંબંધો અંગે તપાસ કરી રહી છે. પ્રયાગરાજ પોલીસે આરોપીની રિમાન્ડ અરજી પણ કોર્ટમાં દાખલ કરી છે, જેના પર કોર્ટ શનિવારે એટલે કે આવતીકાલે ચુકાદો આપશે. રિમાન્ડ મળ્યા બાદ પોલીસ પૂછપરછ દરમિયાન આરોપીઓ પાસેથી અનેક મોટા ખુલાસા થઈ શકે છે.