બાબા સિદ્દીકી મર્ડરનો માસ્ટર માઈન્ડ અને શૂટર્સની વચ્ચેની કડી શુભમ લોંકર

મુંબઈ,તા.૧૪
બાબા સિદ્દીકીની હત્યાએ અનેક સવાલો ઉભા કર્યા છે. હત્યામાં સંડોવાયેલા કેટલાક આરોપીઓ પોલીસના હાથે ઝડપાઈ ગયા છે, જેમાંથી કેટલાકને શોધવા માટે ક્રાઈમ બ્રાન્ચની ૧૦થી વધુ ટીમો મુંબઈ, હરિયાણા, પંજાબ, ઉત્તર પ્રદેશ અને દિલ્હીમાં સક્રિય છે. પોલીસે અત્યાર સુધી ધર્મરાજ કશ્યપ, પ્રવીણ લોંકર અને ગુરમેલ સિંહની અલગ-અલગ જગ્યાએથી ધરપકડ કરી છે. હવે પોલીસ મોહમ્મદ જીશાન અખ્તર, શિવકુમાર અને શુભમ લોંકરને પકડવાનો પ્રયાસ કરી રહી છે. ઝીશાન અખ્તર બાબા સિદ્દીકી હત્યા કેસનો માસ્ટરમાઈન્ડ હોવાનું કહેવાય છે, જ્યારે શુભમ લોંકર એ જ વ્યક્તિ છે જેણે સોશિયલ મીડિયા પોસ્ટમાં કહ્યું છે કે આ હત્યા લોરેન્સ બિશ્નોઈ ગેંગ દ્વારા કરવામાં આવી હતી. પોલીસે આશંકા વ્યક્ત કરી છે કે ‘લોનકર બ્રધર્સ’એ બાબા સિદ્દીકીની હત્યા કરવા માટે શૂટરોને રાખ્યા હતા.
પ્રવીણ લોંકરની મુંબઈ પોલીસ ક્રાઈમ બ્રાન્ચે રવિવારે પુણેથી ધરપકડ કરી છે, પરંતુ તેનો ભાઈ શુભમ લોંકર હજુ સુધી પોલીસના હાથે ઝડપાયો નથી. પોલીસને શંકા છે કે શુભમ લોંકર આ હત્યાના માસ્ટરમાઇન્ડ જીશાન અને શૂટર્સ વચ્ચેની કડી છે. શુભમ લોંકરે જ બાબા સિદ્દીકીના મૃત્યુનો કોન્ટ્રાક્ટ ધરમરાજ, ગુરમેલ અને શિવને આપ્યો હતો. મુંબઈ ક્રાઈમ બ્રાન્ચના અધિકારીના જણાવ્યા અનુસાર, પ્રવીણ અને શુભમે હત્યાનું કામ બે કથિત શૂટરોને સોંપ્યું હતું, જેમાંથી એક ઉત્તર પ્રદેશનો રહેવાસી છે અને બીજાે શિવકુમાર ગૌતમ છે. અધિકારીએ કહ્યું કે પોલીસ શુભમ લોંકરની શોધમાં પુણે ગઈ હતી, પરંતુ તે ત્યાં મળ્યો ન હતો. આ પછી પોલીસે હત્યામાં કથિત સંડોવણી બદલ તેના ભાઈ પ્રવીણ લોંકરની ધરપકડ કરી હતી.
શુભમ રામેશ્વર લોંકર ઉર્ફે શિબુ લોંકર લોરેન્સ બિશ્નોઈ ગેંગ સાથે કનેક્શન ધરાવે છે, આ વર્ષની શરૂઆતમાં જ ખુલાસો થયો હતો. પોલીસના જણાવ્યા અનુસાર, શુભમ લોંકરને મહારાષ્ટ્ર પોલીસે આ વર્ષે ફેબ્રુઆરીમાં અકોલાથી ગેરકાયદેસર હથિયારો સાથે ધરપકડ કરી હતી. ત્યારબાદ પોલીસ તપાસમાં ખુલાસો થયો કે શુભમ લોનકર લોરેન્સ બિશ્નોઈ ગેંગ સાથે જાેડાયેલો હતો. પોલીસ પૂછપરછ દરમિયાન શુભમ લોંકરે સ્વીકાર્યું હતું કે તે લોરેન્સ બિશ્નોઈ ગેંગ સાથે સંકળાયેલા લોકો સાથે વાત કરે છે. શુભમે કબૂલાત કરી હતી કે તેણે વિદેશમાં બેઠેલા અનમોલ બિશ્નોઈ સાથે પણ વીડિયો કોલ દ્વારા વાત કરી હતી. શુભમે એ પણ જણાવ્યું કે તેણે લોરેન્સ બિશ્નોઈ સાથે વીડિયો કોલ દ્વારા પણ વાત કરી હતી.