કોલકાતા રેપ-મર્ડર કેસ : દરેક વ્યક્તિ ન્યાયની માંગ કરી રહ્યા છે, દરેક જગ્યાએ હડતાળ, સરઘસ અને દેખાવો

નવી દિલ્હી/કોલકત્તા, તા.૧૬
કોલકાતાની આરજી કર મેડિકલ કોલેજ અને હોસ્પિટલમાં એક જુનિયર મહિલા ડોક્ટર સાથે થયેલી ર્નિદયતાની ઘટનાએ સમગ્ર દેશને હચમચાવી દીધો છે. આ મામલો ધીમે ધીમે વેગ પકડી રહ્યો છે. મહિલા ડૉક્ટર પર જે ર્નિદયતાથી બળાત્કાર કરવામાં આવ્યો અને તેની હત્યા કરવામાં આવી, તેણે કોલકાતાની સાથે સાથે સમગ્ર ભારતને પણ આંચકો આપ્યો છે. આ ઘટનાને લઈને બંગાળથી લઈને દિલ્હી સુધી ગુસ્સો છે. દરેક વ્યક્તિ આ ભયાનક ઘટના વિશે વાત કરી રહી છે. પીડિતાને ન્યાય મળે તે માટે દરેક જગ્યાએ હડતાળ, સરઘસ અને દેખાવો થઈ રહ્યા છે. દરેકની એક જ માંગ છેઃ પીડિતાને ન્યાય મળવો જાેઈએ, તેને ન્યાય મળવો જાેઈએ, મહિલાઓને સુરક્ષા મળવી જાેઈએ. આ કેસને લઈને સરકાર, વિપક્ષ અને ડૉક્ટરોપબધા રસ્તા પર.
કોલકાતાના તબીબ બળાત્કાર-હત્યા કેસમાં ડોક્ટરો તરફથી ઘણી માંગણીઓ કરવામાં આવી રહી છે, તેમ છતાં પ્રથમ અને સૌથી મહત્વની માંગ એ છે કે પીડિતાને ન્યાય મળે. તમામ હોસ્પિટલોમાં ડોકટરો અને આરોગ્ય કર્મચારીઓની સુરક્ષા સુનિશ્ચિત કરવી જાેઈએ. મૃતક તબીબના પરિવારને યોગ્ય વળતર આપવામાં આવે અને આ મામલે વહેલી તકે ન્યાય કરવામાં આવે. ડોકટરો સરકાર પાસે સેન્ટ્રલ હેલ્થકેર પ્રોટેક્શન એક્ટની પણ માંગ કરી રહ્યા છે. આ ઘટના સામે ડોક્ટરો સતત વિરોધ પ્રદર્શન કરી રહ્યા છે અને પીડિતા સામે ન્યાયની માંગ કરી રહ્યા છે. ફેડરેશન ઓફ ઓલ ઈન્ડિયા રેસિડેન્ટ ડોક્ટર્સ એસોસિએશન એ તાજેતરમાં આ ઘટના સામે વિરોધ પ્રદર્શન કર્યું હતું. આજે પણ, કોલકાતામાં એક મહિલા ડૉક્ટર સાથે કરવામાં આવેલી ર્નિદયતાના વિરોધમાં નિવાસી ડૉક્ટરો રાષ્ટ્રીય રાજધાની દિલ્હીમાં વિરોધ માર્ચ કાઢશે. કોલકાતાની હોસ્પિટલમાં બનેલી ભયાનક ઘટનાને લઈને વિપક્ષ સતત મમતા સરકાર પર પ્રહારો કરી રહ્યો છે. ભાજપ સતત મમતા સરકારનો વિરોધ કરી રહ્યું છે. ભાજપ આજે પશ્ચિમ બંગાળમાં પણ રસ્તો રોકો આંદોલન કરશે.