મદરેસામાં બિન-મુસ્લિમ વિદ્યાર્થીઓને ધાર્મિક શિક્ષણ આપવા બદલ માન્યતા રદ થશે

રાજ્ય સરકાર તરફથી વધુ અનુદાન મેળવવા માટે બિન-મુસ્લિમ બાળકોને આપવામાં આવી રહ્યો છે પ્રવેશ
ભોપાલ,તા.૧૭
મધ્યપ્રદેશમાં ડૉ. મોહન યાદવના નેતૃત્વવાળી સરકારે મદરેસાઓને લઈને મોટો ર્નિણય લીધો છે.
સ્કૂલ એજ્યુકેશન ડિપાર્ટમેન્ટે મદરેસામાં ભણતા વિદ્યાર્થીઓના ફિઝિકલ વેરિફિકેશન માટે આદેશ જારી કર્યો છે. આ સમય દરમિયાન જાે બિન-મુસ્લિમ અથવા મુસ્લિમ બાળકોના નામ નકલી હોવાનું જાણવા મળે છે અથવા બાળકોને તેમના માતાપિતાની પરવાનગી વિના ધાર્મિક શિક્ષણ આપવામાં આવે છે, તો આવા મદરેસાઓની માન્યતા રદ કરવામાં આવશે. શુક્રવારે શાળા શિક્ષણ વિભાગે આદેશ જારી કરતી વખતે કહ્યું કે આ બાબત નેશનલ કમિશન ફોર પ્રોટેક્શન ઑફ ચાઇલ્ડ રાઇટ્‌સ (દ્ગઝ્રઁઝ્રઇ), નવી દિલ્હીના ધ્યાન પર લાવવામાં આવી છે કે ઘણા બિન-મુસ્લિમ બાળકોના નામનો ઉપયોગ કરવામાં આવી રહ્યો છે.
સરકારી અનુદાન મેળવવાના હેતુથી રાજ્યની મદરેસાઓ વિદ્યાર્થીઓ તરીકે છેતરપિંડીથી નોંધાયેલી છે. આની ટૂંક સમયમાં ચકાસણી કરવાની જરૂર છે. મધ્યપ્રદેશ મદરેસા બોર્ડ દ્વારા માન્યતા પ્રાપ્ત મદરેસાઓની ભૌતિક ચકાસણી થવી જાેઈએ. સરકાર પાસેથી ગ્રાન્ટ મેળવવા માટે આ મદરેસાઓમાં ગેર-મુસ્લિમ કે મુસ્લિમ બાળકોના નામ છેતરપિંડીથી નોંધાયેલા છે કે કેમ તેની તપાસ થવી જાેઈએ.
જાે આવા મદરેસામાં બાળકોના નામ છેતરપિંડીથી નોંધાયેલા હોવાનું જણાય તો ગ્રાન્ટ રોકવા, માન્યતા રદ કરવા વગેરે જાેગવાઈઓ હેઠળ પગલાં લેવા જાેઈએ. નેશનલ કમિશન ફોર પ્રોટેક્શન ઓફ ચાઈલ્ડ રાઈટ્‌સ (દ્ગઝ્રઁઝ્રઇ) એ અગાઉ જણાવ્યું હતું કે મદરેસાઓ રાજ્ય સરકાર પાસેથી અનુદાન મેળવવાના હેતુથી બિન-મુસ્લિમ બાળકોને પ્રવેશ આપી રહી છે.
વિદ્યાર્થીઓની સંખ્યામાં વધારો કરવા માટે, બિન-મુસ્લિમ બાળકોને મદરેસામાં પ્રવેશ આપવામાં આવે છે જેથી તેઓ રાજ્ય સરકાર તરફથી વધુ અનુદાન મેળવી શકે. આ વર્ષે જૂનમાં દ્ગઝ્રઁઝ્રઇના અહેવાલમાં જણાવવામાં આવ્યું હતું કે મધ્યપ્રદેશમાં ઇસ્લામિક મદરેસાઓમાં ૯,૦૦૦ થી વધુ હિંદુ બાળકો નોંધાયેલા છે. આ પછી પંચે મોહન યાદવની આગેવાની હેઠળની ભાજપ સરકાર પાસે સર્વે કરાવવાની માંગ કરી હતી.